Færeyska landsliðið verður eitt af fjórum þjóðum sem taka þátt í Golden League æfingamótinu sem fram fer í Þrándheimi í Noregi dagana 30.október til 2.nóvember.

Á mótinu taka þátt auk Færeyja, heimamenn í Noregi, Danmörk og Holland.

Mikil eftirvænting er fyrir mótinu í Færeyjum en færeyska landsliðið er á leið á sitt annað Evrópumót í röð í janúar á næsta ári. Þar verður færeyska landsliðið í riðli með Slóveníu, Svartfjallaland og Sviss en riðilinn fer fram í Malmö.

Fari svo að Ísland fari áfram úr sínum riðli á EM mætir það tveimur af þessum liðum í milliriðli EM en sá milliriðill fer einnig fram í Malmö.