Nú virðist loks vera komin niðurstaða í mál markvarðarsins, Nikola Portner landsliðsmanns Sviss og Magdeburgar. Forsagan er sú að að í apríl á síðasta ári féll Portner á lyfjaprófi en hann hefur haldið fram sakleysi sínu frá fyrsta degi.

Hann sagðist ætla gera allt hvað hann gæti til að sanna að hann hafi ekki brotið neinar reglur um lyfjamál. Hann sagði sjálfur að hann hafi verið yfir mörkum í niðurstöðum lyfjaprófs en neitar alfarið að hafa neytt ólöglegra lyfja.

Í lyfjaprófi sem Portner gekkst undir greindust leyfar af methamfetamíni. Í kjölfarið var svokollað B-sýni rannsakað og leiddi það til sömu niðurstöðu. 

Tveimur mánuðum síðar vísaði lyfjanefnd þýska handknattleiksambandsins málinu frá og ákvað að úrskurða Portner ekki í leikbann. Nikola Portner gat því klárað síðustu leiktíð með Magdeburg sem vann Meistaradeild Evrópu um miðjan júní.

Lyfjaeftirlit þýska íþróttasambandsins ákvað hinsvegar viku síðar að taka mál hans aftur upp. Á meðan gat hann þó áfram leikið með liðinu en nú hefur komið niðurstaða frá lyfjaeftirlitinu.

Nikola Portner hefur verið settur í tímabundið æfinga- og keppnisbann. Hann getur hafið æfingar á ný eftir átta vikur og má spila sinn fyrsta leik aftur frá og með 10. desember á þessu ári.

Í tilkynningunni frá Magdeburg um málið segir:

,,Eftir að NADA áfrýjaði sýknudómnum hafa WADA, NADA, HBL og Portner komið sér saman um stutt leikbann og allir aðilar leggja áherslu á, að ekkert bendi til þess að brotið hafi verið framið af ásettu ráði.
Markvörður Magdeburg verður því að taka sér hlé til 10. desember áður en hann getur spilað opinbera leiki aftur."

Hér að neðan er opinber fréttatilkynning frá SC Magdeburg:
WADA, NADA, Nikola Portner og HBL ná sáttum

Fyrir hönd leikmanns okkar, Handball Magdeburg GmbH, getum við tilkynnt:
Alþjóða lyfjaeftirlitið (WADA), lyfjaeftirlitið í Þýskalandi (NADA), Þýska úrvaldeildin (HBL) og Nikola Portner hafa komist að samkomulagi um að binda enda á deiluna. Samkvæmt samkomulaginu mun Nikola Portner geta tekið þátt í liðsæfingum aftur eftir um það bil átta vikur, en næsti opinberi leikur verður ekki mögulegur fyrr en 10. desember 2025.
Í yfirlýsingu frá NADA segir einnig að aðilar séu sammála um að ekkert bendi til þess að brotið gegn lyfjareglum hafi verið framið af ásettu ráði.
Lyfjapróf þann 10. mars 2024 leiddi í ljós óeðlilega niðurstöðu í greiningu, sem sýndi lítið magn af metamfetamíni í þvagi Nikola Portner. Ábyrgðarnefnd Handball-Bundesliga e. V. ákvað sumarið 2024 að Nikola Portner væri ekki sökudólgur og því ætti ekki að vera settur í bann. NADA áfrýjaði þessari ákvörðun til Íþróttadómstólsins (CAS) í Lausanne, en málinu hefur nú verið lokið með sátt.
Framkvæmdastjóri Handball Magdeburg GmbH, Marc-Henrik Schmedt, segir:
„Samningurinn sem nú er gerður við NADA, WADA og HBL bindur enda á afar erfiðar aðstæður - sérstaklega fyrir Nikola og fjölskyldu hans. Við sjáum bæði skýringu Nikola og mat okkar staðfest: að ekki hafi verið um vísvitandi lyfjanotkun að ræða til að bæta frammistöðu leikmanns hjá SC Magdeburg. Samningurinn gerir Nikola kleift að binda enda á handboltaferil sinn og brátt hefja feril sinn á ný.“