Leikur Blomberg-Lippe og Thür­in­ger HC í meistarakeppni kvenna í Þýskalandi sem fram fór í gær fer í sögubækurnar. Ekki fyrir það að þrjár íslenskar stelpur léku þar með sama liðinu í Þýskalandi heldur vegna áhorfendafjölda leiksins.

Aldrei hafa fleiri borgað sig inn á hand­bolta­leik kvenna í Þýskalandi heldur en í leiknum í gær sem fram fór í Munchen. Alls mættu 10.298 áhorf­end­ur á leikinn sem Thür­in­ger HC unnu með einu marki 31-30.

Með Blomberg-Lippe leika ís­lensku landsliðskon­urn­ar Andrea Jac­ob­sen, Elín Rósa Magnús­dótt­ir og Díana Dögg Magnús­dótt­ir en Elín Rósa er á sínu fyrsta ári með félaginu eftir að hafa gengið til liðs við félagið frá Evrópubikarmeisturum Vals í sumar.

Þýska úrvalsdeildin hefst 29. ágúst næstkomandi.