Það styttist og styttist í komandi tímabil í Olís-deildum karla og kvenna en Olís-deild karla hefst miðvikudaginn 3. september á meðan Olís-deild kvenna hefst laugardaginn 6. september.

Handkastið heldur áfram að hita upp fyrir Olís-deildirnar og hefur sent sömu sex spurningarnar á alla þjálfara deildarinnar í karla og kvenna flokki.

Nú er komið að því að sjá hvað þjálfarateymi Stjörnunnar í Olís-deild kvenna þau Patrekur Jóhannesson og Hanna Guðrún Stefánsdóttir höfðu að segja.

Ertu ánægð/ur með hvernig undirbúningstímabilið hefur gengið?            

Já mjög og allt að slípast saman.

Hvernig metur þú þær mannabreytingar sem hafa orðið á liðinu í sumar?

Við höfum misst sterka leikmenn en fengið góða leikmenn í staðin sem eiga eftir að smella saman.

Hverjar telur þú vera helstu áskoranir þínar og liðsins í vetur?

Það er að ná sem mestu út úr hverjum og einum leikamanni. Þær nái að blómstra í vetur og slípast saman.

Hverjar eru væntingar þínar til tímabilsins? 

Það er að vera í öllum úrslitakeppnum.

Ef þú mættir velja þér einn leikmann úr öðru liði í deildinni til að fá í þitt lið - Hver væri það og afhverju?

Það eru allir leikmenn velkomnir í Stjörnuna.  (Við værum til í Björgu sem liðsstjóra)

Hvaða lið telur þú að verði deildarmeistari í vetur?

Valur