Haukar og Afturelding mættust á Ásvöllum í kvöld og vann Afturelding virkilega góðan 27-28 sigur.

Handkastið ræddi við Stefán Árnason þjálfara Afturelding sem talar um að það sem skilaði þessum sigri var gott undirbúningstímabil.

,,Þetta var virkilega sterk. Ásvellir er mjög erfiður útivöllur og þetta er akkúrat byrjunin sem við vonuðumst eftir og við vorum spenntir að mæta til leiks í deildinni. Við erum búnir að vera æfa vel, undirbúa okkur vel og strákarnir hafa lagt gríðarlega mikið á sig." sagði Stefán Árnason þjálfari Aftureldingar eftir 27-28 sigur á Haukum í kvöld.