Í gær lauk forkeppni Evrópudeildarinnar og þar með er ljóst hvaða liðum Fram mætir í riðlakeppni Evrópudeildarinnar.

Fram verður eini fulltrúi Íslands í riðlakeppninni en Stjarnan lauk keppni í forkeppninni um helgina eftir tap gegn rúmenska liðinu Baia Mare í vítakastkeppni eftir að báðir leikir liðanna enduðu með jafntefli.

Riðill Fram í Evrópudeildinni:

Porto (Portúgal)
Fram (Ísland)
Elverum (Noregur)
Kriens-Luzern (Sviss)

Bæði Elverum og Kriens-Luzern komust áfram eftir forkeppnina. Elverum hafði betur gegn spænska liðinu Torrelavega samanlagt með níu mörkum 65-46 og svissneska liðið sló út slóvenska liðið Gorenje Velenje með níu mörkum samanlagt 59-50.

Allir leikir í riðlakeppni Evrópudeildarinnar fara fram á þriðjudagskvöldum. Riðlakeppnin hefst 14. október og byrjar Fram á heimaleik gegn Þorsteini Leó Gunnarssyni og félögum í Portó.

Fram fer síðan til Noregs og mætir Elverum í 2.umferðinni.

View this post on Instagram

A post shared by EHF European League (@ehfel_official)